Atzo Amazonek Kindle2 aurkezten zuen bitartean, Munduko beste puntan, Japonian, Amazonen gailu berria pleistozenokotzat hartzeko moduko beste baten probak egiten ari da Fujitsu. Gainera, aparailua bera probatzeaz gain, hura erabiltzeko modu berriak ere aztertzen ari dira.
“Termina Kinshicho Fujiya Restaurant” jatetxeko bezeroek kafea ateraten dieten bitartean entretenitzeko eta informatzeko (formatzeko ere bai, akaso) aukera berria dute egunotan. Hain zuzen ere, Fujitsuk, Softbank Telecom eta Mainichi Newspapers enpresekin batera, eguneko albisteak, iragarkiak eta abarrak ikusteko aukera eskaintzen die jatetxeko bezeroei, bertako mahaietan libre uzteko jarri dituzten zenbait FLEPia terminali esker. Terminal horiek koloretako paper elektronikoa darabilte, eta haririk gabeko konexioen bidez jasotzen dituzte erabiltzaileek kontsulta ditzaketen edukiak (Mainichi Shogakusei Shimbun egunkaria, Fujiya jatetxearen iragarkiak, tren ordutegiak eta eguraldi iragarpenak).
Esperimentuan parte hartu duten enpresek neurtu nahi dute gailu berriek norainoko onarpen maila duten albisteak irakurtzeko euskarri gisa, eta, bide batez, zerbitzuak nolako eragina duen saltokiaren salmentatan eta bezeroen asebetetze mailan.
Paper elektronikoko gailuok orrialdea aldatzean soilik kontsumitzen dute energia. Oso kontsumo txikia dute beraz, eta nahikoa da egunean behin kargatzea, saltokia itxi ondoren.
Teknopataren txokoa irakurri entremesak pikatzen ditugun bitartean… Hori eskaintzen duen lehenengo jatetxean afaria nire kontu.
Benito, iristen zaizu beste bati ordaintzeko? Ni ere “apuntatzen” naiz… ;-) Portzierto, izugarri gustatzen zaizkit horrelako tramankuluak!!!
Dirua ez da arazoa (bilbainoa izatea zer den!), baina ausartuko zara teknopaten janariarekin? Benetan?
Bueno, bueno, telepizza danok probatu dugu inoiz eta ez da hainbesterako! :P