Sailkatu gabe

Beste urrats bat munduaren dominaziorantz…

Ez ez, oraingoan ez naiz Google ahalguztidunaz ari. Aitortu egin behar dizuet: zuen artean Googleren beldurra zabaltzen nuen bitartean, mundua menderatzeko plan makiabeliko bat egiten ibili naiz, eta duela gauzatu da plan horren beste urrats bat. Mwahahahahaha!

Izan ere, mundua menderatu nahi duen edozeinek ondotxo dakienez, helburu hori lortzeko nahitaezkoa da lehenengo eta behin hedabideak menderatzea. Eta horretan nabil neu ere, astiro baina etengabe, erabateko dominazioaren bidea urratzen: Aizu! aldizkaria, Bilbo Hiria Irratia, Gaur8… eta orain Euskadi Irratia ere bai! Zuenak egin du!

Benito (eskuman) & biok, kontu kontari. Josi, bitartean, telefonoarekin... ...jolasten eta enredando!
Benito (eskuman) & biok, kontu kontari. Josi, bitartean, telefonoarekin... ...jolasten 'eta enredando'!

Joan den igandean izan genuen estreinaldia Josik, Benitok eta hirurok Amarauna saioko blogarien tartean. Denbora di-da joan zitzaigun eta, hasierako nerbioak kenduta, primeran pasatu genuen Amarauneko neskekin solasean. Norberaren aurkezpentxoa egin eta gero, prestatuta genituenak baino gai gutxiago komentatzeko denbora izan genuen egia esan… Bruselakoen saiakera blogosfera arautzeko, EKEren ekimena Second Lifen, Youtuberen ‘In my name’ kanpaina… eta ya! Joe, hurrengorako ordu eta erdia beharko dugu gutxienez!

Solasaditxoa hona ekartzeko asmoa nuen baina, badakizue, teknikaren imponderableak. Makina grabatzeko programatuta utzi eta bueltan: “Hard Disk Full” Putza! Horrela ez dago mundua menderatzerik! Eskerrak Patxitrapero fin-fin ibili dela!

Trukean, argazki bat utzi dizuet hor jarrita. Josi ni baino teknopatagoa da!!!

5 iruzkin
  • Benito
    2008(e)ko urriak 8 at 00:38

    Eta nik zuek baino ile gutxiago. Buaaaaaaaaaaaaa!

    Reply
  • joxe
    2008(e)ko urriak 8 at 00:45

    Bueno, ez larritu. Mundua menderatuta dugunean, kristo guztiak ‘zerora’ eraman beharko du ilea, dekretuz! :P

    Reply
  • Patxi
    2008(e)ko urriak 8 at 02:07

    Nerea “hard disk half full” zegoen egun horretan. On egin!

    Reply
  • joxe
    2008(e)ko urriak 8 at 11:19

    Eiii!

    Eskerrik asko Patxi! Eskerrak baten batek ganorazko diskoa dauakala!

    Reply
  • Josi
    2008(e)ko urriak 8 at 17:53

    Joxe: gustura eta labur.
    Ez dakit euskaraz nola esaten den “lo bueno y breve…”
    Baina gurea arina bezain mamitsua izan zen ezba?
    Hurrengorarte (grabatu ala grabatugabe!!!)
    Josi

    Reply

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.