Benga, aitortu, zenbatetan gertatu zaizu? Sofan jarrita zaude, edo sukaldeko mahaian, edo lanekoan, edo gidatzen… eta halako batean, sakelakoaren dardara igarri duzu poltsikoan. Eskua patrikan sartu, eta ikusi duzu ez duzula inolako dei galdurik edo bestelako abisurik telefonoan edo -are txarrago- segapotoa aldean eraman ere ez daramazula!
Inoiz gertatu bazaizu, ongi etorri dei fantasmen sindromedunon klubera!
Ongi etorri klubera, bai, eta egon zaitez lasai, oso klub zabala da eta. Hainbat ikerketa daude kontu honen inguruan, eta guztiek dute ondorio berbera. 2010ean Estatu Batuetan egindako honen ondorioak ondo laburbiltzen ditu besteak: dei fantasmen sindromea oso fenomeno zabala da gailu elektronikoak erabiltzen ditugunon artean. Zenbakitan jartzeko, gutxi gorabehera segapoto erabiltzaileon %80k pairatzen dugu ‘gaitza’.
Azalpen psikologikoa
Ikerlariek ez dute oraindik dei fantasmen arrazoi zehazta aurkitu, baina boleto gehien dituen azalpena psikologikoa da, eta zerikusi zuzena du gure burmuinak egunean jasotzen dituen estimulu eta seinale guztiak jaso, prozesatu eta iragazteko duen moduarekin. Horren oinarria ‘seinaleen detekzioaren teoria’ deritzona da. Gure burmuinak seinale bat antzeman behar duenean, lau egoera posible suerta daitezke:
- seinalea (kasu honetan telefonoaren dardara) benetan ‘piztu’ da, ala ez, batetik eta
- burmuinak seinalea antzeman du ala ez, bestetik
Horiek konbinatzen hasita, lau aukera ditugu:
- ez dago seinalerik eta ez dugu seinalerik antzeman
- ez dago seinalerik, baina guk seinalea antzeman dugu (alerta faltsua)
- seinalea dago, eta antzeman egin dugu
- seinalea dago, baina ez dugu antzeman (hutsegitea)
Hala telefonoaren dardararekin nola inguruko beste seinale guztiekin, gure burmuinaren helburua da posible den kasu guztietan asmatzea, eta alerta faltsuak eta hutsegiteak saihestea. Horretarako, seinaleak jasotzeko sentiberatasuna eta positiboak emateko joerarekin jokatzen du etengabe.
Sentiberatasuna handitzea ona da beti seinaleak xehe-xehe antzeman ahal izateko, baina positiboak emateko joera handiegiak alerta faltsu asko ekar dezake. Horregatik, joera hori egoeraren arabera aldatzen dugu konturatu gabe, alerta faltsuek ekar dezaketen kaltea eta seinalea xehe ez jasotzearena (dei bat galtzearena) alderatuz.
Telefonoko deien kasuan, alerta faltsuen kaltea ez da handia (telefonoa poltsikotik atera behar izatea alferrik, besterik gabe), eta horregatik, egoeraren arabera (inguruan zarata handia baldin badugu, dei garrantzitsu baten zain gaudenean eta abar), nahiago dugu alerta faltsuak probokatzeko arriskua handitu, benetan jaso dugun dei bat galtzen uztea baino. Hortik omen datoz dei fantasma horiek, eta adituek diotenez fenomeno erabat natural eta osasungarria ere badira.
Ikerlari batzuen arabera, izaera irekiagoa duten pertsonek eta neurotikoek ere joera handiagoa izan dezakete dei fantasmak jasotzeko. Lehenengoek sare sozial zabalagoak dituzte, lagun eta ezagun asko, eta aukera gehiago lagun eta ezagun horiengandik mezuak, deiak eta abarrak jasotzeko. Eta neurotikoek berriz, kezka handiagoa izan dezakete jasotzen dituzten dei eta mezuak ez galtzearekin, eta horregatik joera handiagoa abisurik jaso duten ala ez etengabe begiratzen egoteko.
RT @joxe: Dei fantasmen sindromea http://t.co/VxJpZPr58z
Buuuuhuuuuuhuuuuhhh! Igarri al duzu dei fantasmen sindromea? http://t.co/Mksw8kofnq http://t.co/RXslJ0tenu
[teknopata-eu] Dei fantasmen sindromea http://t.co/fvm7apOMSy
RT @joxe: [teknopata-eu] Dei fantasmen sindromea http://t.co/fvm7apOMSy
Información Bitacoras.com
Valora en Bitacoras.com: Zuri ere gertatu zaizu ezta? Telefonoaren dardara sentitu, poltsikotik atera, eta ez duzu ez mezurik, ez dei galdurik… Ongi etorri dei fantasmaren sindromedunon klubera!
RT @joxe: Dei fantasmen sindromea http://t.co/VxJpZPr58z
@joxe atzera ere ibili zara Cuarto Milenioren maratoia ikusten? #lanavedelmisterio #BatzuetanDeiakEntzutenDitut ;-)
Dei fantasmen sindromea @joxe http://t.co/6crXK84Uk0
[…] hori biderkatu egin da smartphonen hedapenarekin. Jakinarazpenen yonki hutsak bihurtu gara. Ez esan gertatu ez zaizuenik: bost laguneko bilera bat, denok mugikorra isilpean jarrita ez […]
[…] hori biderkatu egin da smartphonen hedapenarekin. Jakinarazpenen yonki hutsak bihurtu gara. Ez esan gertatu ez zaizuenik: bost laguneko bilera bat, denok mugikorra isilpean jarrita ez […]