USB kondoiak

2014(e)ko ekainak 2

1 min

Kargatu al duzu inoiz zure telefonoa beste norbaiten ordenagailuan konektatuta? Eta ez al dizu beldurrik eman? USB kondoiari esker, lasaiago egin ahal izango duzu, telefonoak ordenagailutik ezer arrarorik jasoko ez duen segurtasunarekin.

Birusak, infekzioak, kutsatzeak, lapurretak… denborarekin, zikin samarra bihurtu da ziberespazioa. Eta bizitza errealean bezalaxe, komeni da higiene neurriak hartzea.

Pentsa zer gertatzen den smartphoneekin esaterako: gero eta pantaila handiagoak, wifia, bluetootha, GPSa, sare bidezko konexioa… bateria berehala agortzen zaigu eta sarritan, kargadorea eta USB kablea poltsikoan ibiltzen gara, tartetxo bat dugunean segapotoari ‘jaten emateko’. Esaterako: batzar bat dugun bulego batera iritsi eta han topatzen dugun lehenengo ordenagailuko USB atakan konektatzen dugu telefonoa.

Baina noski: USB ataka horiek, energia ez ezik, datuak bidali eta jasotzeko ahalmena ere badute. Nola jakin USB ziritxoa sartu dugun makina hori ‘garbi’ dagoela? Eta telefonora kutsatu daitekeen birusen bat baldin badu? Eta nahita -edo nahi gabe- programatuta badago gure telefonoko datuak lapurtu edo haren kontrola hartzeko? Edo bertara konektatzen diren telefonoen jarraipena egiteko?

usbcondom — Inbentoak ez du, ez, diseinu ederrenaren saria jasoko…

Tira, egon zaitezte lasai: orain USB kondoiari esker, patxada osoz karga dezakegu telefonoa USB bidez, edonon gaudela ere, gure telefonoak ‘ezer arrarorik’ hartuko duen batere beldurrik gabe. Ikusten denez, oso gailu sinplea da: USB ‘ziritxoa’ dauka alde batean, eta USB zirrikitua bestean. Tartean, zirkuitu sinple bat, datuen garraioa eragotzi baina argindarrarena ahalbidetzen duena. Horrela, ziur egon gaitezke bertara konektatzen dugun telefonoak argindarra baino ez duela jasoko entxufatu dugun ordenagailutik, eta gure datuak, beraz, seguru daudela.

Konexio higienikoa nahi baduzu, USB kondoiak 10 dolarretan eros daitezke asmatzailearen webgunean.

Etiketak:

Txopi

2014(e)ko ekainak 2 at 08:43

RT @joxe: USB kondoiak http://t.co/Ayljy8dWjK

Reply
txargain

2014(e)ko ekainak 2 at 10:32

RT @joxe: USB kondoiak http://t.co/Ayljy8dWjK

Reply
txargain

2014(e)ko ekainak 2 at 10:32

@joxe Az duzu andaketarik laga diseinuan?

Reply
joxe

2014(e)ko ekainak 2 at 10:52

Abdikazio osteko pasea: Erabili USB kondoi bat zure ziritxoa babesteko. http://t.co/iG7FYwNmHw

Reply
txargain

2014(e)ko ekainak 2 at 11:51

@joxe XDD Ai, ama! Ze grazioso!!!

Reply
joxe

2014(e)ko ekainak 2 at 16:03

Bazkalosteko pasea: Erabili USB kondoi bat zure ziritxoa babesteko. http://t.co/iG7FYwNmHw

Reply
egoienetxea

2014(e)ko ekainak 2 at 16:32

Life is too short to remove USB safely. @joxe (-; http://t.co/pR7h3l2X52

Reply
Bitacoras.com

2014(e)ko ekainak 3 at 21:34

Información Bitacoras.com

Valora en Bitacoras.com: Kargatu al duzu inoiz zure telefonoa beste norbaiten ordenagailuan konektatuta? Eta ez al dizu beldurrik eman? USB kondoiari esker, lasaiago egin ahal izango duzu, telefonoak ordenagailutik ezer arrarorik jasoko ez duen segur..…

Reply
USB Killer: lagun asunentzako opari perfektua!!! – Teknopataren txokoa

2016(e)ko irailak 19 at 21:02

[…] nola dabilen deabruaren asmakizun hau: lehen saiakeran, deskargak sahiesteko pentsatuta dagoen ‘USB kondoi’ bat dago ordenagailua eta pendrive maltzurraren artean. Bigarrenean berriz, babesik gabe […]

Reply