Aber, aitortuko dut: #señormayor honek ez du bere burua indarrez ikusten Arkkuso artxienemigoak hor zehar bota duen erronkari heldu eta bideo bat egiteko Korrikaren kanta gogokoenak komentatuz.
Baina bai iruditu zait gauza bat egin genezakeela beste gauzatxo bat denon artean: eta bozkatzen badugu zein izan den orain arteko Korrika kanten artean onena?
Hemen azpian utziko dizuet formulario erraz bat. Egin behar duzuen bakarra da 23 kanten artean BAT ETA BAKARRA aukeratu. Gogoratu ondo pentsatu beharra dagoela ze, Iruñek bideoan dioen moduan, hainbat kontu hartu behar dira kontuan: musika aldetik ona den ala ez, letra ona den ala ez, korrika egitera bultzatzeko egokia den ala ez…
Tira! Egin memoria apur bat eta aukeratu zure gogokoena!. Korrika 23 amaitzean itxiko dut bozketa, eta igual Arkkusori berari eskatuko diot Los 40 estiloko bideo bat egiteko! XD
(Memoria freskatu behar baduzu, galdetegiaren ondoren daukazu kantu guztiak entzuteko eta bideoklipak ikusteko aukera)
Bozkatzeko aukera itxita dago jadanik. Mila esker interesagatik!
Korrika kanta guztiak
Korrika 1-7
(Irigoien anaiak eta Mikel Erramuspe).
Korrika 11 (badirudi bideoa galdu egin dela hor zehar) :(
Korrika 8-22
Erabili bideo zerrendako menua (bideoaren goiko eskumako izkinan) kantua aukeratzeko. (Pirritx eta Porrotxena ez da lehian sartzen!)
Korrika 23
Hau fresko izango duzu memorian, baina tira, badaezpada ere! :-)
@bloga eman dut nire bozka! 😄👌
[…] esan badut esan dut! Oraindik egin ez baduzu, segi oraintxe bertan Korrikako kanta bozkatzera! Eta bestela ba hori, igandean ikusiko […]
Guretzat 3.KORRIKAko kanta, Eganek abestua
Mila esker, Marga! Markatu duzue zuen botua goiko galdetegian?
3. KORRIKA (Egan)