Goio Telletxea eta Haritz Rodriguez izan dira gaur Euskadi Irratiko Amarauna saioko blogarien solasaldian, eta –esan beharra dago— eskatologiko samar hasi dira, kakari buruz hitz egiten. Izan ere, Xorroxin Irratiko Fermintxo Gartxitorena ere izan dute gonbidatu, irratiak aurrera egiteko behar dituzten xoxak lortzeko asmatu duten zozketa berezia azaltzeko.
Horrez gain, bestelako kontuak ere aipatu dituzte:
- Euskal Encounter, 17. edizioa gaur bertan amaituko da.
- Guregipuzkoa.net: Gipuzkoako Kultura eta Euskara departamentua laguntza eske elkarlanean zenbait argazki identifikatu eta kokatu ahal izateko.
- Izarretako Xerra, Star Warsen euskal bertsioa, Euskaltuben.
- Cory Doctorow Donostian: topaketa euskal blogarieki, asteartean Donostian.
- Teknopataren txoko honen urteurrena eta zozketa. Amaraunako tarantulatxoak izango dira datorren astean erabakia hartuko duten esku *inozoak* errugabeak? zintzoak? Tira, ulertzen da, ezta? :P
Hori dena eta gehiago, beti bezala, hemen azpian klik eginda, edo bide alternatiboak erabiliz (eitb.com, RSS, iTunes)
Podcast: Play in new window | Download (19.1MB)
Harpidetu! RSS