PDF dokumentuak omnipresenteak dira gaur egun, eta gero eta gehiagotan aurkitzen ditugu edukiaren kopipega egitea, edo dokumentua bera inprimatzea eragotzen duten PDFak.
Murrizketa horiek benetako buruhauste bihur daitezke batzuetan, dokumentua ireki duenak bertan dagoen letra tiporen bat falta duenean, adibidez. Aurrekoan antzeko arazo batekin egin genuen topo lanean, eta buruko min dezente eman zigun kontuak.
Baina, halako batean —Jainkoak bedenka ditzala Googleren sortzaileak eta luzaroan gorde ditzala— konponbide erraz-erraza aurkitu genuen webgune honetan. Ensodeko lagunek tresna bat dute haien webgunean, PDF artxiboen horrelako murrizketak kentzeko balio duena.
Tresna, gainera, webgunean bertan dago, eta ez da ordenagailuan ezer instalatu behar: nahikoa da ‘ireki’ nahi den PDFa igotzea, eta guneak momentu batean bueltatzen du artxiboaren bertsio mugagabe bat. Edozein sistema eragiletik, edozein ordenagailutik, eta, esan bezala, ezer instalatu beharrik gabe. Hori bai, kontuz artxiboaren pisuarekin… konprobatu ahal izan dugunez tresna nahiko mugatua da prozesatu ahal dituen Mega kopuruari dagokionez.
Erabilgarria, ezta? Hale ba, gozatu!
