ApliakNabarmenak

Derrigorrezko segurtasun aplikazioa Hego Koreako nerabeen telefonoetan

2015(e)ko ekainak 29
min 1 baino gutxiago
3 iruzkin
Hego Koreako gobernuak segurtasun apli bat instalatzera behartu ditu bertako gazteak.
Derrigorrezko segurtasun aplikazioa Hego Koreako nerabeen telefonoetan 7 - teknopata.eus
Koreako gobernua publizitate kanpaina masiboa egiten ari da telebistan, korearrek aplikazioa instala dezaten.
Koreako gobernua publizitate kanpaina masiboa egiten ari da telebistan, korearrek aplikazioa instala dezaten.

Buf, ze mehea den ‘herritarrak babestea’ eta kontrol orwelliarraren arteko muga, ezta? Ikusi zer gertatu den Korean…. Hego Korean, esan nahi dut, ez Kim-Jon-un-en herrialdean e? Gobernuak lege berri bat atera du, 19 urtetik beherakoek erosten dituzten telefono guztietan segurtasun aplikazio bat instalatzera derrigortuz. Gobernuak bere apli propioa garatu du horretarako, Smart Sheriff deritzona: telefonotik erabiltzen diren aplikazioak, bisitatzen diren webguneak, idazten diren mezuak, jasotzen direnak eta abar kontrola daitezke urrutitik. Webguneen kasuan, ‘jakintsu batzorde batek’ erabakiko du aurrerantzean telefono horietatik non nabigatu daitekeen eta non ez. Beste funtzio guztiak gurasoek kontrolatu ahal izango dituzte, telefonoa erabat amatatzeko aukera barne.

Momentuz 'inposizioa' saltatzeko modu bat dago: iPhonea erostea. SmartSheriff Androiden baino ezin da erabili
Momentuz ‘inposizioa’ saltatzeko modu bat dago: iPhonea erostea. SmartSheriff Androiden baino ezin da erabili

Hori guztia gutxi balitz, aplikazioak alerta bereziak bidaliko dizkie gurasoei, gazteak hitz edo esaldi jakin batzuk erabiliz gero. Hala, gaztearen segapotoan ‘mehatxua’, ‘suizidioa’, ‘haurdun’, ‘bullying’ edo ‘etxetik ihes egin’ bezalakoak agertuz gero, gurasoek berehala izango dute horren berri.

Helburua, teorian, gazteak babestea eta seguruago egon daitezen ziurtatzea. Praktikan, ordea, hozkirri handia ematen du, ezta? Zer iruditzen?

Etiketak:
Atalak:
ApliakNabarmenakTeknopataren ajeak
3 iruzkin
  • Alex
    Alex
    2015(e)ko ekainak 29 at 23:58

    Nire ustez 16 urte arte (gutxi gora behera) ez lukete smartphonik eduki behar eta hortik aurrera gurasoen kontrol- aplikazioek ez dute zentsu handirik.

    Reply
  • Leticia Eizagirre Altuna
    Leticia Eizagirre Altuna
    2021(e)ko apirilak 13 at 15:55

    Neretzat askotan bezela, bi eskubideren artean, edukazio edo babestasun, dilema bat daukagu.
    Biak beharrezkoak dira horregatik gauza hain garrantzitzua prozezu bat behar dute.
    Lehenengo pausoak hezkuntzan egin behar ditugu. Umeei 4 edo 5 urte batetik nahiz eta segapotoak ez lukete erabili behar, aldi berean, poliki poliki, ondo erabili erakutsi behar diegu. Gurasoen betebeharra bere seme-alabak heziketa da.
    Beste aldetik gobernuek beste betebeharrak dituzte eta bat oso garrantzitzuena herritarrok babestea da .
    Ondorioa bezela, neretzat kasu honetan babestasun gutxi balitz hezkuntza gabe.

    Reply
    • joxe
      joxe
      2021(e)ko apirilak 13 at 23:40

      Eskerrik asko zure ekarpenagatik, Leticia!

      Reply
Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.