Artikuluak, hitzaldiak, aurkezpenak eta horrelakoak egiteko marroia onartzen duzunean, beste hainbatetan bezala, ezustekoak gertatzen dira maiz.
Sarritan denbora askorekin eskatzen dira horrelakoak… baina hala ere, azken momenturaino uzten dira. Eta sarritan gertatzen da, hitzaldia eman edo artikulua entregatzeko bezperako ordu txikietan ordenagailu parean zaudela testua prestatzen, tak-tak-tak, eta halako batean argindarra joaten da, ordenagailua hondatzen da, eman nahi ez zenion botoiari ematen diozu… eta ale, eskoñarra egindako lan guztia.
Lehendik ere presaka eta larri bazenbiltzan, orain bikoiztu egin zaizu larritasuna. Argi zenituen ideiak esfumatu egin dira nerbioekin… eta tira, egoera latza izaten da, benetan, eta amorragarria.
Baina lasai, hurrengorako tresna majikoa ekarrik dizuet. Egunotan akordatu naiz kazetaritza fakultatean irakasleren batek ekarri zigun “Cómo hablar dos horas sin decir nada” izeneko taula txundigarri batekin. Nola hitz egin bi orduz ezertxo ere esan gabe. Baten batek taula hura pikatzeko lana hartu eta hemen eskegi du, erdara batuan, noski.
Eta tira, kontatu dizuedanaren moduko egoeratarako baliagarri suerta daitekeelakoan hemen utzi dizuet gutxi gorabeherako itzulpen bat. Moldaketa bat edo beste beharko du seguruenik, baina seguru nago ederki etorriko zaizuela 2.000 karaktereko testu bat bete behar duzuen hurrengorako! ;-)
Funtzionamendua oso erraza da: esaldiak osatzen joatea da kontua. Horretarako, lehenengo eta behin hartu lehen zutabeko testu bat, horri erantsi bigarren zutabeko beste bat (nahi duzuen ordenan konbinatu ahal dituzue), gero hirugarrenekoa, eta gero laugarrenekoa. Esaldia osatuta duzuenean, hasi berriz lehen zutabeko beste edozein testutik hurrengo esaldia osatzeko… eta horrela nekatu arte!
Ez horregatik, ez horregatik!
| I | II | III | IV |
| Lagun maiteok |
programako edukiak betetzeak |
inguratzen gaituzten finantza eta administrazio baldintzak | xehe-xehe aztertzera behartzen gaitu. |
| Bestalde, eta gaur egungo badintzak kontuan hartuz |
agintarien azterketen konplextasunak |
etorkizunerako garapen ildoak |
osatzeko funtsezko papera betetzen du. |
| Era berean, | gure jardueraren etengabeko hazkunde eta zabalkundeak |
parte hartzeko sistema orokorra |
zehazteko eta ezartzeko beharra dakarkigu. |
| Hala ere, ez dezagun ahaztu: |
erakundearen gaur egungo egiturak |
kideok ditugun betebehar atzeraezinekiko jarrerak | prestatzen eta gauzatzen laguntzen du. |
| Gauzak horrela, | erakundearen jarduera eredu berriak |
proposamen berriak |
lantzeko talde handi batek parte hartuko duela bermatzen du. |
| Eguneroko bizitzak ezin hobeto irakatsi digunez, |
jarduera ezberdinen etengabeko garapenak |
hekuntzaren eta aurrerabidearen arteko sintonia | ezartzeko zeregin garrantzitsua du. |
Azaldu beharrik ez dago arazo hauen guztien pisua eta garrantzia, izan ere |
gure informazio eta propaganda jarduerak |
behar errealei erantzuteko moduko koadroak prestatzeko sistema |
sortzea errazten du. |
| Han eta hemen bizi eta entzun ditugunek argi erakutsi digute: |
egiturak indartu eta garatzeak |
jarduera aproposen baldintzak |
osotasunean baloratzeko oztopoak ezartzen dizkigu. |
| Dena ondo atolatzeko gogoak, baina batez ere, |
euskaldun ugariri egindako kontsultak |
garapen eredua |
egiaztatzeko marko ezin interesgarriagoa eskaintzen digu. |
| Printzipio ideolojiko gorenek baldintzatuta, |
jarrerak formatzeko jarduera orokorrari ekiteak | ekintza moduak |
berregituratzeko eta modernizatzeko prozesuarekin hastea dakar. |
| Horregatik guztiagatik, zilegi bekigu iradokizun bat egitea: |
inplikatutako sektore guztiak zaharberritzeak |
onartutako oinarrizko irizpideak |
abiatzeko benetako mugarri eraginkorra adostera behartzen gaitu |
| Argi baino argiago dago: |
zaharkitutako esperientziak gainditzeak |
espektru zabaleko kasuistika osoa |
azken muturreraino azaltzeko bide ematen digu edozein kasutan ere. |
| Baina ez genuke zintzotasun osoz jokatuko beste hau ezkutatuko bagenu: |
eragile bateragarriak neurririk gabe aplikatzeak | elementu sortzaileak |
inbertitzeko prozesu ezin delikatuagoa ziurtatuko liguke. |
| Eta gainera, ezjakinasunik deitoragarrienean murgilduta bukatuko genuke beste hau onartuko ez bagenu | prozesua zuzentzeko sine quqe non baldintzak |
sistema berrasmatzeko interface adiskidetsu eta solidarioa |
bermatzeko beharrezko estrategiak kontu handiz eta sistematikoki lantzean du oinarria. |
| Amaitzeko, eta gauzak behin betiko argitzeko, aitor dezagun, lagunok, |
batetik eta bestetik batera datozen prozesuen aplikazio kontsentsuatuak |
erregenerazio jarduerarako fronte komun batean ideologikoki sistematizatutako irizpide multzoa |
nahita ala nahigabe gainditzeko borondate atzeraezinak sortzen du. |
Información Bitacoras.com…
Valora en Bitacoras.com: Artikuluak, hitzaldiak, aurkezpenak eta horrelakoak egiteko marroia onartzen duzunean, beste hainbatetan bezala, ezustekoak gertatzen dira maiz. Batzuetan hitzaldiak emateko enkargua onartu eta gero ez dakizu nondik hasi ere …..
Eskerrik asko, Joxe!! Hain da ona taula hau, gizateriaren ondare izendatu beharko lukete! Ezinbesteko tresna txostengile, tertuliakide, politikari, kazetari eta… interpreteontzat. Akabo izerdiak, arnas estuak eta zirkuitolabur mentalak kabinan. Eroso jesarri, gustuko edaria ondoan duzula, taula hartu eta tipi-tapa, aurrera hitzaldiarekin :-D