osteguna - 2005(e)ko irailak 15
Katu hilak autoak elikatzeko
Alemaniatik dator notizia: Bild egunkariak
argitaratu duenez, Kolonia hiriko Christian Koch injineruak biodiesela egiteko
makina bat asmatu du. Bere izena KDV 500 da, eta ezaugarririk nabarmenena,
erregaia sortzeko katu hilak eta zaborra erabiltzen dituela.
Kochek azaldu duenez, makinak behar duen
lehengaiari hildako 20 katu gehituz gero, 50 bat litro biodiesel sor daitezke.
"Neure autoa, diesel arrunt bat, makinatik ateratako erregaiarekin elikatzen
dut, eta dagoeneko 107.000 km. egin ditut batere arazorik
gabe".
Bere web orrian
azaltzen duenez, Kochen makinak sortutako dieselaren litroko kostoa 23
zentimokoa da, petroliotik ateratakoaren bosten bat gutxi
gorabehera.
Albisteak, hala ere,
ezinegona sortu du hainbat sektoretan. Animaliak Babesteko Elkartetik esan
dutenez "hilako animaliak erregaia egiteko erabiltzea legez kanpokoa da", eta,
badaezpada, segimendu zorrotza egingo omen diote Kochen enpresari.
osteguna - 2005(e)ko irailak 15 ยท 14:00 Etiketak:
