Amaitu dira oporrak (askorentzat bai behintzat), eta iritsi da eguneroko terrentara bueltatzeko garaia. Nire modukoa baldin bazara, iratzargailuak jotzen duen momentua izango duzu unerik gorrotagarriena, baina lasai, hori erraz alda daiteke eta!
Joshua Renouf diseinatzaile industrialak Barisieur delakoa sortu du: iratzargailu bat, esnatzeko orduan zarataka hasi beharrean, kafe goxo-goxoa prestatzen duena. Horrela, ohiko txirrin desatseginaren ordez, ura egosten duten bola metalikoen tintin alaiak eta kafe egin berriaren usain goxoak esnatuko zaitu goizean.
Hobeto lo egiteko ere lagungarria omen da Barisieur hau: kafea prestatzeko ura, esnea eta osagai guztiak prest utzi behar dira lotara joan aurretik, eta horrek lo hartu aurreko erritual moduko bat sortzen lagundu ahal dizu, erlaxatzen eta lotarako prestatzen lagundu ahal dizuna.
Asmatzaileak gailua benetan salgai jartzeko asmoa du, eta aurreikusten duenez 250 libra (312 euro) inguruko prezioa izango du. Interesa izanez gero, diseinatzailearen beraren webgunean bete daiteke kontaktuan mantentzeko formulario bat.
Doako aukera bat ere bai ;-)
Iratzargailu baten truke 300 euro baino gehiago ordaintzeak delitu tipifikatua izan behar duela uste baduzu, beharbada interesgarri suertatuko zaizu beste aukera hau: Androiderako Timely aplikazioak ez dizu kaferik prestatuko, baina oso itxura zaindua du, kronometroa eta atzera-kontua ere badakartza, hainbat gailuren artean sinkronizatu daiteke eta, nahi izanez gero, pixkanaka-pixkanaka esnatu ahal zaitu, txorien kantu goxoaren grabazio batekin ere.
Timely ordainpeko aplikazioa zen lehen, baina duela gutxi Googlek erosi eta dohainik eskuratzeko moduan jarri du. Ze ondo e? :P Ea Barisieurrekin gauza bera egiten duen!!!
[app]ch.bitspin.timely[/app]
Eta iratzargailuak kafea prestatuko balizu? ;) http://t.co/YCQ3ifwJYz
RT @joxe: Eta iratzargailuak kafea prestatuko balizu? ;) http://t.co/YCQ3ifwJYz
@joxe zeozer ondo eingo zun!
RT @joxe: Barisieur, kafea prestatuko dizun esnagailua http://t.co/6GBvbqfaCk
@joxe Esnatze ederra izan liteke, baina nahikoa zarata egingo du esnatzeko? Hori da nire zalantza!
Información Bitacoras.com
Valora en Bitacoras.com: Ohiko iratzargailuaren txirrinarekin nazkatuta? Bariseur delakoak tintin leun eta goxo batekin esnatu eta kafea prestatuko dizu gainera!
#twittercards aktibatu berri didate baina ez dut oso argi zer den… aberr…
http://t.co/YCQ3ifwJYz
RT @joxe: #twittercards aktibatu berri didate baina ez dut oso argi zer den… aberr…
http://t.co/YCQ3ifwJYz
@joxe Autobonborako zeozer? :-P
@joxe bai, @jozulin – ek errezoia, Telefonuan neuk be ikusten dot