ostirala - 2006(e)ko irailak 29
Euskal Herria 1.2
Duela ordubete eskas itzuli naiz etxera Euskal Herria
2.0 jardunaldien bigarren saiotik. Entzundako guztiaren artean,
zerbait aukeratzekotan, Vilaweb atariaren zuzendariak,
Vicent
Partalek, emandako azalpenekin geratzen naiz.
Izugarrizko inbidiaz entzun ditut
.cat
domeinua lortu arteko prozesuaren inguruan eman dituen azalpenak. Bai, bai:
inbidiaz. Beharbada Josu Landak kutsatu dit bere ezkortasuna; beharbada osti
txarrez jarri nau Artelekutik A8rako bidean galdu izana eta Errenterian (uste
dut) kasik 40 minutu galduta bueltaka ibili izana... ...gauza da konbentzituta
atera naizela asko eta asko dugula oraindik egiteko katalanek .cat domeinuarekin
lortu dutenaren antzeko zerbait lortzeko.
Tira, positiboan hasteko, aitortu beharra daukat
Partalen hitzaldiaren ostean askoz ere argiago ikusten dudala
.eus
domeinu batek nolako onura multzoa ekar
liezagukeen... sikieran, oso ondo azaldu du
.cat
domeinuak nolako eragin positiboak izan dituen
katalanaren ikusgarritasuna areagotzeko, eta ordura arte batere interesik
adierazi ez duten eragile asko katalanaren ingurura erakatzeko. Zorionak
bene-benetan.
Inbidia, baina, Vilawebeko arduradunak prozesuaren nondik norakoak kontatzean sortu zait. Jardunaldietan hartutako apunteak kotxean ahaztuta utzi ditut eta aipatu nahi nuen guztia seguru ez dudala aipatuko, baina ohar behintzat bai utzi nahi ditut hemen, aurrerago garatzeko. Hona Partalek aipatutako kontuetako batzuk:
Inbidia, baina, Vilawebeko arduradunak prozesuaren nondik norakoak kontatzean sortu zait. Jardunaldietan hartutako apunteak kotxean ahaztuta utzi ditut eta aipatu nahi nuen guztia seguru ez dudala aipatuko, baina ohar behintzat bai utzi nahi ditut hemen, aurrerago garatzeko. Hona Partalek aipatutako kontuetako batzuk:
• Domeinuaren aldeko mugimendua hasi
aurretik ere, interneten baziren eduki asko eta asko katalanez, izen onekoak,
kalitatekoak eta era guzti-guztietakoak (berak esan duenez
"pornografiatik hasi eta Easyjet-en
orriraino"). Euskaraz zer
daukagu?
• Domeinuaren ofizialtasuna lortzeko
gakoetako bat eskaerak inolako lotura politikorik ez izatea izan dela errepikatu
du Partalek behin eta berriro. Geografiari inolako aipamenik egin gabe.
Kulturari eta hizkuntzari lotutako eskaera izatea izan da arrakastaren giltza.
Hitzaldi osoan Katalunia bera ere behin ere ez du aipatu (beno, agian bai, baina
zeharka). Gu, berriz, Euskal
Herria 2.0 gora eta
EH
2.0 behera. Uh-Oh.
• Diskrezioa, politikarien isilpeko
laguntza, elkarte eta erakunde askoren konfidantza itsua... Ez dakit, saiatu
naiz hori guztia gure artera ekartzen, eta en fin, hasieran esan dudana: inbidia
eman dit .cat horren kontua.
Baina ooooso berandu egin zait eta bihar goiz altxatu behar... astebururako utziko dugu jarraipena, ados?
Baina ooooso berandu egin zait eta bihar goiz altxatu behar... astebururako utziko dugu jarraipena, ados?
Technorati etiketak: eh20, euskara, internet, euskal herria, bipuntuzero
ostirala - 2006(e)ko irailak 29 · 01:17 Etiketak:
